職場血淚史之做Sales仲慘過乞食: < 收錄全港各行各業Sales甜酸苦辣的經歷，道盡世態炎涼，人情冷暖！>

收錄全港各行各業Sales甜酸苦辣的經歷，道盡世態炎涼，人情冷暖！

隨書附送職場防小人風水企牌及爆數加薪靈符磁石書簽各1個，超實用！

很多人認為做Sales呢行很輕鬆，對這行業的評價也不高，以為有把口、有對腳，吹吓水就做得！你就以為啦！Sales呢份工，簡直能人所不能，日日都預咗畀客「問候」，或者「關懷」你全家，但你仲要笑面迎人、做牛做馬仲要對人歡笑，每月都俾人追Quota，慘過大耳窿追數，無咁上下EQ，你做一日都想辭職！

【火星客人篇】

◎ 為了講價你可以去到幾盡？「講價」自有強中手，有人為了廿蚊雞，竟然出動眼淚攻勢，嚇怕Sales

◎ 做Sales要有禮貌是常識吧？遇着粗魯蠻橫客都要死忍難忍，最後還是被客投訴！

【奇怪上司篇】

◎ 無論客人多或少，營業額高或低，在上司眼中全部都是Sales的錯！遇着火星上司，可以點溝通？

◎ 作為一個Sales仔，又如何能夠承受上司的奪命追魂Call？當店務工作忙到不可交加之際，還要每半小時聽上司電話，有幾煩、有幾痛苦，大家心知肚明啦！  

【溫馨小事篇】

◎ 關係良好的熟客會在大時大節送上小禮物，窩心之至！

◎ Sales被上司誤會，畀人鬧到隻狗咁，客人竟然拔刀相助出言相勸，實在太感人了！這一刻，才會覺得自己仍然是個「人」！

【Sell屎入行篇】

◎ 以為做Sales閒閒地都可以搵萬幾兩萬蚊人工？過來人話你知要搵大錢都要做足功課，Sell客都有技巧的！

◎ 別以為Sales只需要行行企企，其實Sales還要清潔、執倉、埋數、叫貨，Sales的代名詞就是萬能雜工

◎ 經驗老到Sales教你Sell客神技，升職加薪兼爆Quota！

【同事相處篇】

◎ 死忍難忍，但面對為了業績而不擇手段的同事，可以點忍？

◎ 一樣米養百樣人，只要有一班嚴重公主病、超級港女症候群的Sales同事，足以毀去你的一生！