За е-книгава
這段時間內，中華民國依然一片混亂狀態，蔣介石雖然北伐成功，建立南京國民黨政權，控制南方大部分地區，但並唔代表佢有能力駕馭整個國家。無數嘅軍閥同勢力，繼續分裂依一個自1911年辛亥革命瓦解嘅「中國」，各處都係山頭，到處都係軍閥，每個山頭同軍閥都有自己嘅想法，同代表住背後唔同金主或外國勢力嘅利益。蔣介石亦都唔例外，佢係藉著蘇聯提供嘅金盧布崛起嘅新一代軍事強人，在取得上海呢個大錢罌控制權之後，背信棄義、過橋抽板、血腥清黨，可謂壞事做盡，不過身處嗰個時代，唔做壞事唔做壞人根本冇可能奪取權力，亂世係英雄地，冇人能夠例外，冇人可以例外。蔣介石得到最高權力之後，要面對長時間嘅籠裏雞作反，而且作反嘅雞，有好多隻。
皇權瓦解，象徵著無上權威、最後仲裁權消失，響一個全新嘅威權未完全確立或被大衆認定之前，社會就會進入大混亂時代。根據本公子嘅觀察，歷史上，凡係一個威權倒台，再去到另一個威權再次被建立，時間大概係半個世紀50年左右，呢段時間，每一股勢力都會竭力爭奪建立一個全新的威權，因此生靈塗炭，戰禍綿綿，在所難免，50年算係一侗、甚至兩個世代，每一次改朝換代，犧牲一兩代人嘅幸福，其實係最低消費。
近年，可能Marvel超級英雄電影大行其道，好多人會認為推翻一個醜陋無比腐敗不堪嘅舊世界，一個全新嘅美好世界喺第二日朝頭早就嚟到，然後每個人身光頸靚、安居樂業，變晒王子公主幸福快樂，直至永遠。抱住呢種諗法嘅人唔係笨（當然唔可以講話聰明），佢哋只不過將世間嘅事物睇得太美好太快速，認為傷口嘅癒合速度會比想像中快，唔知道傷口一旦出現唔去消毒清潔，就會好容易俾細菌感染，最嚴重嘅會引起壞血病而死。傷口如果過大，會流血不止，就算最後順利埋口好返，都會留低一道永遠唔可以磨滅嘅疤痕，需要用好多遮醜布成世遮住。
За авторот
常威，真身不現，筆名常威，人稱KOL常公子，
