最九衰的大軍閥時代 Round3: 【常威近代史】第八部

喺意識形態方面，所謂自由民主及議會制度，最後亦淪為政客軍閥手中嘅幌子同遮醜布，或者只係一套純粹嘅「表面功夫」，作為赤裸裸權力鬥爭嘅藉口，權力仍然來自軍隊與及以暴力方式而獲取，「槍桿子出政權」從來都冇錯。

不過與此同時，一股全新嘅意識形態開始進入中華民族，就係來自俄國嘅共產主義及馬克思主義思潮，隨住1917年「十月革命」成功，世界上首次出現咗一個共產主義政權國家，全世界無產階級工人階級得到強大鼓舞，因為夢想終於響列寧及托洛斯基手中成為現實。亦因世界革命嘅理想，中國共產黨於「第三國際」支持下喺1921年成立，當時嘅中共係一個主要由年青人及高級知識分子組成、充滿活力嘅初生政黨，共產主義思潮迅速喺中國壯茁發展，本冊亦會加以詳細敘述。